1:1
1:2
1:3
1:4
1:5
1:6
1:7
1:8
1:9
1:10
1:11
1:12
1:13
1:14
1:15
1:16
1:17
1:18
1:19
1:20
1:21
1:22
1:23
1:24
1:25
1:26
1:27
1:28
1:29
1:30
1:31
1:32
1:33
1:34
1:35
1:36
1:37
1:38
1:39
1:40
1:41
1:42
1:43
1:44
1:45
1:46
1:47
1:48
1:49
1:50
1:51
1:52
1:53
1:54
1:55
1:56
1:57
1:58
1:59
1:60
1:61
1:62
1:63
1:64
1:65
1:66
1:67
1:68
1:69
1:70
1:71
1:72
1:73
1:74
1:75
1:76
1:77
1:78
1:79
1:80
Hawaia yāgaiidē skaia Tiofilös Jīzös möni wöštāgašin, möni-yāgaiašin hakun,
Könǰi mâlūpai könǰin tūmūūkaiašin könǰin tstauīyellašin aposl-ndaiananima könǰin möni tūmūtauumūtašin.
Könǰin köndaiananima haim auwönāwāpan kötūmūalagönudē sāgūyellašin, köndaian kömönit-alagūmūtudē könǰima fârti mâla, kaiyāgaiat-ūmörudē köndaiananima Gâd’nči kindömūpai.
Könǰin tauumūtašin köndaiananima, kufkidē köndaiananimē, köndaian muš bāv čīyel’ūtušū Jerūsalem, köndaian muš tstauumūtūa gāta Dārūākin ušārišin, hītūmörašin sananima.
Jon auwöna kömöni-tūwönašidē simāki, san mötta san tstūmūanašūa Haima Köšpika mötan mâla kausin.
Könǰi ušpan köndaian tūmâagatašin kūkūtūmörisindē könǰima, ¿Lârda, önda sa yārum ūasasināmūtūana Izrāel?
Kökūtānudē köndaiananima, San bāv mamūmörāki kötūpai mâla, Dārūākin kötūpai kītöpan kaiâalāmūta.
San mötta san tūmūtūabailamūtūana, Haima Köšpix sananima kūpātaumönimös, Jerūsalem san čīyāgaiat-ūmörâa haiakaiipai, Jūdīandē, Samēriandē, mölasēnn ūsyūâalūpaindē.
Hauančita kūtāyellašin, köndaian alagūpalānašin kötūmūūkaiidē, hauaka könǰima kötaiašagāmatudē köndaiananima.
Köndaian wē alagūpalānādāra kičikaia ūkaia kömbaiwa kötauumönidē köndaiananima, yāgūa ködufmönipikindē.
Kökūtānāpikindē ¿Galalī-ndaulumâala kundām san alagūpalānū wāganūpai? hauanči Jīzös sananima yārum čīyel-ūkaiašin hevn-ūpai, köčišönatâa kūk’alagöna san alagönat-ūkaiašin hevn-ūpai.
Köndaian könǰi ušpan köšönatudē Jerūsalemūpai, Oliv tūlarandaulum kötainisindē, könǰi yamūkā-möni Jerūsalem-ndaulum Sabat mâla taina.
Köndaian mötātūwögatašin kūtušūkaiisindē wāgū rūmūpai. Pītr, Jēmz, Jon, Andrū, Filip, Tomas, Bārtolemyū, Matyū, Jēmz, Alfīas-nči mākun, Saiman Zelōtīz, Jūdas Jēmz-nči makusin köndaian kūkan kömatauumūtisindē.
Hauandaian kūka kāmušmūtisindē, kīpaiamalim kögaisinanāmöšudē köndaiananima, Merindē Jīzös’nči dābin, kīmakusâlandaian haku